FORUM

Tartisma Forumu
 
AnasayfaAnasayfa  PortalliPortalli  SSSSSS  AramaArama  Kayıt OlKayıt Ol  Üye ListesiÜye Listesi  Kullanıcı GruplarıKullanıcı Grupları  Giriş yap  

Paylaş | 
 

 MUZUR ÇISMÉ RO U CANi

Önceki başlık Sonraki başlık Aşağa gitmek 
YazarMesaj
Torné Thuji



Mesaj Sayısı : 215
Yaş : 70
Kayıt tarihi : 06/02/08

MesajKonu: MUZUR ÇISMÉ RO U CANi   Cuma Ekim 16, 2009 9:27 pm

-*-
*-*
MUZUR ÇISMÉ RO U CANO

Ollem bızono hala désımız se vano
Désım u désımız ré, Muzur ro u cano
Coru bé ko u héyni u çhemu memano
Désım esto, çıqa ke Muzur ho tadano


O dina ma de eve name u vengiyo
Ko u çısme u çhemé ho ra ki jargiyo
Hêyniyé Muzuri marê hewsé dergiyo
İtiqaté ma de o, kemeré çhengiyo


Ma Muzur, Désımi ré çısmé ro u cano
Desımız niya zono, hertım niya vano
Eve çımo ğelet, coru pıro nia nédano
Désımız wayir vone ke, Muzur bımano


Vora ke, zımıstani kou ro vorena
Hata ve omnani kou serro manena
Vıloşina ro, de cerdu ma de rézena
Resena pê, çırtanu de bel bena


Kouné Désımi ro qa vore bıvoro
Ağwa heyniyu mevındo, bıgurro
Ro u can, ko u çhemi ra Muzıro
Ta era ho do, va Désim memıro


Ewro vıle çewto, qom béheduro
Désımız ke, dawa Muzıri ra duro
Bara azé Désımi ré, her çi zuro
Némanena ke, gepéê ağwe buro


Veréniye ro çhemu gıré dané
Nafaé Désım de koka her çi ané
Tepısé ağwe, Désim rê fermané
Bé dae ke! Koyi bé wele bımané


Torné Thuji


En son Torné Thuji tarafından Çarş. Haz. 09, 2010 9:46 pm tarihinde değiştirildi, toplamda 2 kere değiştirildi
Sayfa başına dön Aşağa gitmek
Kullanıcı profilini gör
Torné Thuji



Mesaj Sayısı : 215
Yaş : 70
Kayıt tarihi : 06/02/08

MesajKonu: HONA KE NÊMERDO HARD U HEWA   Cuma Ekim 16, 2009 9:32 pm

-*-
HONA KE NÊMERDO HARD U HEWA


Caé pi u khalıkuné ke, tırr u kaşi
Hona é tırru ra esté, dar u vaşi
Cıré wayiro, kam ke tede rae ra şi
Bé hard bené xam, caé ho de, xaşi


Sari qerari dé, ma pro sér kerdo
Sené aqılo, ma hardé ho caverdo
Hard u ağwe u hewa ke némerdo
Caé weşiyo, çıqa ke çele de serdo


Düey bıkeré ke zof çi névırajiyo
Koti kerdo béton, dest ra véjiyo
Sa vime ke hard qılérın nébiyo
Hard zengıno, çıqa ke nézoniyo


Ollem zono, yé ma tır u bendıno
Kemer u kuçé hardé ma rengıno
Qom qey welat u zoné ra vérdıno
Haur ki niyo, hard çıqa zengıno


De her ca ison rameno weşiye
Heq zoneno, weşiye ke zoniye
Qe keşi de néramina dısmeniye
Werté ho de cé mebırné lézımiye


Televizyon u kompüturi véjiyé
Jubini ra xeverdar u baqıliyé
Theyr u thur u her çiré olvojiyé
Qimet ke da hard u ağwe, isoniyé

Torné Thuji


En son Torné Thuji tarafından Çarş. Haz. 09, 2010 9:47 pm tarihinde değiştirildi, toplamda 1 kere değiştirildi
Sayfa başına dön Aşağa gitmek
Kullanıcı profilini gör
Torné Thuji



Mesaj Sayısı : 215
Yaş : 70
Kayıt tarihi : 06/02/08

MesajKonu: DÊSIM BÊ MUZIRi NÊBENO   Çarş. Haz. 09, 2010 9:44 pm

-*-
DÊSIM BÊ MUZIRi NÊBENO

Kouné kemer u çağılınu de rezena
Eskewtuné bıné hardi de ki vındena
Zé sıté sıpeyi, Ağwa Muzıri belbena
Kef u kopır, ede ho ser de erzena


Vora kou zımıstani pésero nijina
Tan u tiji ke vénena, vore vıloşina
Sona goluné bıné hardi de oroşina
Bena çewres çıme héyni, héni véjina


İtıqaté ma désımu de jiarge zonina
Çéfé ho wast, ta dana ro ho çerexina
Ca cade verté dew u suku de vénina
Ge békes, gosé ho rehet, gran gran uncina


Dormé Çhemuné ma, tıvana ceneto
Çhemi esté ke, ca désımu ré welato
Çéwesae! sené dısmeno, to tede veto
De! heté ra ki wayiré text u dewleto


Welaté mırcolık u mor u mılaununo
Taé theyr u thuri ré xané seré rauno
Hem ki, vırara maa surbelek mosuno
Wayiré dar u ber u sung u rıvésuno


Hercaé ho nos u neqsé desté wayiri
Hesreta, désımız ke cıra kuno duri
Hundé ke bıgurro ağwa Çhemé Muzıri
Désımız ki wayiré huzur u heduri

Torné Thuji
Sayfa başına dön Aşağa gitmek
Kullanıcı profilini gör
Sponsored content




MesajKonu: Geri: MUZUR ÇISMÉ RO U CANi   

Sayfa başına dön Aşağa gitmek
 
MUZUR ÇISMÉ RO U CANi
Önceki başlık Sonraki başlık Sayfa başına dön 
1 sayfadaki 1 sayfası

Bu forumun müsaadesi var:Bu forumdaki mesajlara cevap veremezsiniz
FORUM :: DERSIM FORUMU-
Buraya geçin: