FORUM

Tartisma Forumu
 
AnasayfaAnasayfa  PortalliPortalli  SSSSSS  AramaArama  Kayıt OlKayıt Ol  Üye ListesiÜye Listesi  Kullanıcı GruplarıKullanıcı Grupları  Giriş yap  

Paylaş | 
 

 SIMAYÊ MA

Önceki başlık Sonraki başlık Aşağa gitmek 
YazarMesaj
Torné Thuji



Mesaj Sayısı : 215
Yaş : 69
Kayıt tarihi : 06/02/08

MesajKonu: SIMAYÊ MA   Salı Nis. 27, 2010 2:08 pm

OLVOZÊ DELALi!


Sıma, mı ra sevané nézonu... Ez ewro wazenu ke; qesa ho, vatena ho sıma ra vajine. Qesa mı, yé zerré mı ki; bıwaniyo, bızoniyo...

Maé ke; tevera yime, Dersim ra, qomé ho ra, isoné ho ra duri mendime. Dersim ra cévışiyayme, heté ra ki mecburime weşia ho surgun de rameme... Yé zerré zuvini bızonime...

Ma; iyé ke sevrva Désım u Désımu, isoné ma u isonie ré, hard u asméné ma ré dané ho ro, wayir véjiné, qéret kené, hemeg dané, qesa de xére vané, çiyo de xér kené, caé dinu périne tımutım sare u çımuné ma sero yé...
Xér béré, xére ra piya véne. Wes u war véne.



Sıma périne ra ki wastema ma wa:

Coğrafya ma de verdera, hata ewro derd u deji véniyé, unciyé... Hona ki derd u deji cénévışiyé...

Sıma péro, é derd u dezu zonené, naskené...

Périne ravér; 1938’ é Désımi, kergana zerriya, tımutım ma zerrede ra. Roz ve roz na kergane bena gırs, jédina... Tayna dez dana, zondana... Yéna ve tever, rézena, boe dana... Boa ho, aqıl de ma sare ra bena.

Na kokbırria, kok bırrnaena... Ma gere na mesela berime veré qom u qebiluné seré hardi....



Na guna wa. Na guna Cumhurriyeté Tırkuna, 1938 ‘i gereke her ca de masa sero vo... Ma ra kami ke, koti ca u wext di; na kergana Désımia 38’i name keré, berkeré, biyaré ra zon...



Cıra mıneta ma wa, isonu ra, isonie ra. Na dewa ma béro ra zon.
Juyo ke serva Kokbırria 1938’é Désımi isonie verde, qom u qebilu verde, biyaro ra zon, qe va kaméji qomi ra, kameji welat ra beno bıvo, wayiré sené zon u zagoni beno bıvo, wayiré kameji reng u dengi, kameji itiqat u zıkri beno bıvo, ma cıré mınnetdar beme. Mınnetdar maneme...

Na rındiya. Na rındiya dinu ho vira nékeme. Her ca u dem de ame ra zon.


Dez u derdé Désımi kémi nébeno... Réyna ki, sıma taé newe derd u dezu ma ré péda mekeré... Dez u derduné zerré ma mezédné.
Sıma kuné ra zuvini, zerré zuvini sıknené, zerré zuvini deznené... Sıma eve ni kerdenuné ho, zerré ma ki deznené. Derd u dezuné zerré ma zédnené...

Şiayé ke ma sare ra senık niyé... Réyna ki sıma şiawu ma sare mesané, eve dısmenia azé Désımi ra... Tékewtena domonuné Désımi, péverdaena sari ra éndi bézarime. Néwazeme ke; kesé de ma, naradıma péskıra destu vone.




Dina ollem zoneno ke; Désim bağ baxçé qomu, zonu, zagonuno...

Piya weşiayene, weşia Desımi ya; Eve haştia qomu, eve haştia zonu, eve haştia zagonu....

Demoqrasi, weşia mave huya. Hardé ma sero tım biya. Weşia khalık u dakıluné ma viya. A felsefe, tımutım, xori xori tede biya... Feqir u zar u neçharu ré wayirie tede biya... Roz u sopa tenge de zuvini ré, der u cirani ré, békes u béwayiru ré, wayiréni cıra kémi nébiya.

Zerré weşia ma de hez esto, humanizma esta, isonie esta, hard u asmén esté, merde u cendeyi esté, ağwa jiargiya serdıne esta, tan u tijiya jiargie esté, roz u asma jiargiye esté. Dar u berré gırs u bévané jiargi tederé...


Weşia khalıkuné ma wa bıngeyina ke, hes kerdene, humanizma serva isonie u riyé hardi, tolerans, rastie u rındie tede esté, ho vira mekerime. A felsefa ke isonie ré, qomie ré wayira, coru ho vira mekerime... Her çi ra ravér, hoveho ré, ho vira mekerime...

-*-


Weşie u zagoné Désımi hogore wa... Tede hes kerdene, en paha berza, en çiya de qimetına.
Wastena ma

Saré ma béro era ho... Ni xususu biya ro veré çhımu... Na baruné berz u qimetunu ré uncia wayir véjime...
-*-
Khalık u pirukuné ma werte de(méyan de) qewxa biya... Çin u xusumet çinébiyé...
Néwastene, dısmenie néramıta... Her çiyé rınd u rındekie ré ki wayir véjiyé... Raste u rındekie jiarge say biyé... Hemeg u desberie, vırastene u péser ardene ré wayirie kémi nébiyé...

Kultur u mitolojiyé Désımi, jiargié Désımi; wayiré humanizma u hes kerdené...

Xızıré ma ra néterşino. Hes keno, cıra hes beno. Sop u sata tenge de dest u poşti dano. Dest u poşti cérina...

Khalık u pirukuné ma merhamet ra duri nékewté... Merhamet u vijdan her çira cor zoniyé...

Nı ka ki; sıma périne ra mıneta ma a wa ke:

Ma yime ke; wayiré na koke, hardé dewreşi, qomie u isone, jiar u diyaru yime.
Nıka ki; ho ré, wa u bırauné ho ré, qomé ho ré, zoné ho ré, zagoné ho ré wayir bıvéjime...

Pi u khalıké ma ra, ma ré ke çı camendo, cıré wayir véjime... Hardé mao dewrés, jiari u diyaré ma, ko u waré ma, Léy u daré maé gıragıri, çhem u héniyé maé jiargi Amaneté pi u khalıké maé... Ma ra ki gereke, domonuné Désımi ré bımané... Az u azé ma ki désımız bımané...


Herkes zono, isonia Désımi, mordemia Désımi, qomia Désımi... Kam, koti ke saré ho kewto tenge, ho esto ve bext u şiya Désımi...

Rınd u rastiye de ki; Désımu ravér biyé, péyser némendé... Sıma ki, nıka memané...
Haştie ra, raştie ra, eve bextie, bext rakerdénie ra duri mekuyé... Sıfte ki zuvini ra, hoveho ra, wa u dırauné ho ra... Cıré wayir vé...

Désim de, tevera; eve haştie, zerre weşie, isonie, bıréni vınderime. Béme werdene, weşia ho piya bıramime.

Jiar u diyaré maé ke, teng u çetına ma de ma ré wayirié, ho erzeme dest u bexté dinu. Ê, ca u berjiné maé... Yinu ho vira mekeme. Cıra duri mekume...

İyé; ma zuvini ra kené néjdi, ané téaré... Caé weşia khalık u pirıkuné maé en rındekiyé...

Xızır; ma céra nékero... Zuvini ra, qomi ra, zon u zagoné ma ra duri mefiyo. Hardé ma ra, jiar u diyaruné ma ra néjdi bero...

Jiar u diyaré Désımi; ğezev u xırave ma ra duri bijéré, duri beré... Dest u paé zolım u xıravınu gırédéne...

Azé ma coru tenge de meverdé. Zon u zagoné ma ra, qom u lézımuné ma ra, jiar u diyaruné ma ra, ra u itiqaté ma ra morım mekeré...

Nıka ki; Désımu péro, iyé ke ho zonené, isonie ra xeverdaré, wayiré ilim u irfaniyé; zon u zagoné ma ré wayir bıvéjiyé... Felsefe itiqaté Désımi ré wayir véjiyé...

Sıma péro, xırav u xıravunu ra, qeda u bela ra duri véne...
Her çi, zé wastena sıma vo. Rınd u rastu, ho lewe de bıvéné...
Wes u war véne... Eve zerre weşie, haştie u bıraéni bımané


Torné Thuji
Sayfa başına dön Aşağa gitmek
Kullanıcı profilini gör
 
SIMAYÊ MA
Önceki başlık Sonraki başlık Sayfa başına dön 
1 sayfadaki 1 sayfası

Bu forumun müsaadesi var:Bu forumdaki mesajlara cevap veremezsiniz
FORUM :: DERSIM FORUMU-
Buraya geçin: